值得推介的婦產科醫生-盧乃本醫生

今日收到盧醫生的電話,佢專登打比我提我一定要去做結構,仲一定要同醫生講我大約11週時生過蛇。叫醫生詳細睇下會唔會有手腳過短、眼同耳仔及神經系統有冇問題。但佢話基本早期生蛇都只有0.4-0.6%的機會有問題,同正常差唔多,叫我唔洗太擔心。佢謝可能廿幾週會叫我再照多一次結構。其實搵到個咁關心自己仲會親自打比病人的醫生真係唔多。最少成日上電視果D日理萬基就一定唔會。雖然盧醫生係年紀大D,但佢的細心真係唔係位位醫生有。

各位準媽媽, 如果真係要選一位好醫生真係唔係成日上電視果D先好!!!

大鄉里出旺角

又到星期六,我地一家4口出發到九龍灣游水,今次花花好叻女呀,喊都冇喊,其實係花爸氹花花有方。一邊同佢玩一邊同佢游!!!

在花爸手中的花花睇落特別細粒!!!

夜晚我地就帶左花花去旺角的“賣藝街”即西洋菜街,花花開心到好想落地架,不過花爸話太多人怕危險,所以全程抱住花花。花花對唱歌的人特別好奇,可能佢地的打扮比較不同啦!!後來我地就去左朗豪坊,其實唔好講花花,自從花花出世後,花爸花媽已經好少出旺角行街,一般都係出去睇醫生或最多唔好逗留多過1小時。做左父母後,我地都變得宅左或者所有活動都變成以花花為主的家庭活動。咁耐冇去朗豪坊,竟然開左間花媽大愛的炒雪糕Holly Brown.佢地仲有套餐叫,$68連飲品(有各或意粉或 burger) 。但炒雪糕都要$58一個(>﹏<)  真係食餐抵過食甜品。由於花媽太飽了,所以食雪糕呢個重任留左比花花同花爸。

拎住炒雪糕的花花,好開心啊♡_♡

臨走前我地仲去先達搵好朋友臻臻。睇住兩小無猜真係覺得好可愛啊!!希望佢地能夠從小到大都係好朋友啦!!!

依家D小朋友真係好open\(╯-╰)/ 

花爸女朋友就咁比人搶走了。//(ㄒoㄒ)//  女生外向

日本買比花花的chip外套。
Ps.請留音花爸個樣。開心到好似執到金咁\^o^/ 

草草性別

大家看到草草是男是女嗎??

今日係花花17個月大又係見草草的日子。今日係星期四,又要返尖咀St Andrews又要返Noble Place。但見盧醫生時又撞左St Andrews時間,我唯有上堂途中離開去睇醫生啦!花爸則同花花上完St Andrews嚟搵我。

仲記得當年陀花花,花爸黽係陪我產檢一次,而今次相信亦係花爸陪我見肚入面草草唯一一次。因為今日醫生會講草草性別。花爸聽到草草性別即時眉開眼笑,而我都好開心比我地花草家有一個“好”字。

其實我一直都好擔心草草會同姐姐一樣出世會甩胶,又好擔心我食咁多藥會令草草身體唔好,而且我懷孕初期(接近三個月)生蛇,可能會令BB盲或者耳聾。但盧醫生大派安心丸比我,佢話我相對後期生蛇及德國麻疹,早期生蛇相對風險較低。我希望草草能夠在我肚肚留耐一D,始終我的肚肚對花花來講是五星級的家,留足41週仲要催生啊!!!

3月4日我地就留見下草草的3D真面目,唔知似花爸定花媽呢???

順帶一提, 在診所填媽媽會申請表都有機會有野送架。我上胎去荃灣路德圍睇,填晒送左4罐奶粉又BB袋等等,今次盧醫生到收到美贊臣的衫仔,紗巾同袋。大家記得要填表入媽媽會啊!!

媽媽會贈品

淘寶版迪士尼美語世界

BB展後,我在唔同大細的媽媽谷都聽到媽媽們講迪士尼美語世界,相信好多媽媽都好想比最好的BB但同時覺得迪士尼美語世界實在太貴。的確,我陀花花時都因為覺得迪士尼太貴,所以買左oxford path。但原來選購左一套唔啱自己小朋友的教材,到頭來要再買都係浪費金錢。

當然在媽媽whatsapp group內,有媽媽們都話迪士尼有淘寶,可以買嚟睇下。其實生完花花都有同一個想法,迪士尼有二手喎,可以買套二手啦,結果比人呃〒_〒  買左套唔齊的迪士尼,書唔齊CD同DVD都唔齊(我遲下再同大家分享比人呃的過程)。唔緊要,我一心買過一套淘寶的迪士尼書啦！CD我冇買因為sing along齊我就算,係Play along唔齊啫。結果買返嚟我冇用過就掉左lu。因為淘寶書甩色,我怕花花用完後,顏色甩左係佢手上,佢又食手指就會食左D色素落肚,最怕係有毒啊!!!

淘寶版迪士尼睇圖片真係無得頂,
但實物嚟到係咪真係咁好呢???
媽媽們真係要三思。

淘寶版迪士尼美語世界又冇玩具可以配,我本來以為市面上買返類似的玩具咪得囉,但原來配上差唔多的玩具真係唔易。尤其是play along內的動物公仔,其中有一首歌花花好鐘意(what's inside? Can you guess?) 當花花玩類似的玩具時真係冇咁投入,但一樣的玩具時真係好投入。仲要自己玩唔比我同佢玩添%>_<% 

如果媽媽們買左淘版的迪士尼,
建議你地用紙巾捽下書的內頁,你就會見到甩色架喇!!!

淘寶迪士尼冇playmate機,小朋友真係好鐘意玩playmate機架!!只有書有CD及DVD冇人教點用都係冇用,當配套唔夠時,比你幾平買到迪士尼教材都係冇用。而且淘版的係用Basic ABC,已經係十幾年前的版本了,依家已經冇 Basic ABC了。知道點用的人真係少之又少,唔識用又可以請教邊個呢???

購買前都記得留意下買家comment,
淘版點讀筆咬字唔清晰都只會教壞小朋友的英文發音啊!!

由於我自己冇買淘版的迪士尼CD及DVD,但我朋友買左CD及DVD後,發現CD內的歌並唔係迪士尼美語世界的歌,而只係一般的童謠。所以質量未必係大家心中所想咁好。

雖然淘版迪士尼只係一千蚊有找,但如果用一千蚊買套唔合用又阻地方的教材,又有咩用呢???

免費試用裝一定要攞啊!

http://www.worldfamily.com.hk/ffp/sl/preaf143

Maryknoll Open Day & 澳門兩日一夜

早前新濠打比花爸話送房,本身我地都唔太大意慾去澳門,因為來回船飛3個人(花花都要比成人價錢了)都差唔多成千蚊,而且澳門坐車又煩,但我地又好想同花花坐下新濠影滙的8字形摩天輪,所以佢話送貨比花爸,我都叫花爸先攞房。

噚日Maryknoll Open day,所以我同花爸去澳門前都去左Maryknoll走一趟。由於我地10點半左右到,唔算多人(我地下午揸車經過就見到好多人了X﹏X )。去到呢間古式建築的學校,真係又大又靚,設備齊全,舊得嚟又乾淨整齊。見到佢地中小學用的書桌校服及舊款校服。仲有想當年的學校學生照片及 video 等等。最想唔到我見到其中一個學生的筆記係教 breakfast table setting同用餐具的次序,雖然我唔知佢地依家仲有冇教,但我好肯定唔係好多學校會教table manner,好貴族feel啊!

又大又宏偉的campus

花爸拖住花花行,不經不覺,
花花好似個小童了。

真心希望花花能夠入到Maryknoll

參參觀完Maryknoll,我地就踏上去澳門的路程了。去到澳門已經成3點可以直接check in,由於舟車勞頓,花媽決定係房休息,花爸及花婆則去左賭錢~_~ 花媽同花花只係在房玩下迪士尼書同睇下電視,晚上就出去官也街晚飯。

官也街巧遇玫瑰花燈

竟然唔洗去天馬公園都見到玫瑰花燈

其實如果只為左玩8字摩天輪,真係唔好住新濠影滙,因為去官也街相比威尼斯仁或新濠天地等都真係比較遠。而且冇車去威尼斯人或金沙城中心,最近都只可新濠天地。講返我地的8 字摩天輪先,成人票100,12歲以下小童80,澳門則85。如有新濠咭則成人票90,大家就得申請了。

摩天輪入面仲有新年福字

景唔算靚,但有落地玻璃睇景,
仲有少少位係玻璃底以便比人影相。

咁高花花都未識驚∩__∩y 

花花平日好鐘意玩眼鏡,好!比個你帶下先。

去完摩天輪,我地再戰官也街食翅。食飽就坐船返香港了。

BB展攻略

陀住花花時,每想到去BB展就係攞禮品,每每唔食早餐行到5-6點都覺得冇品題。但今胎反而冇乜野想攞,因為草草可以用花花二手野。雖然我同花爸都冇準備,但都有一D戰利品呢(我地只買一本coupon book)

我地主攻大奶粉商同唔洗排的細舖,
石能我用左2小時左右排隊啦!但人大多,
後來連唔洗排的pampers,卡塔xx奶粉都要排了。

建議大家想要雪印背包就一早去拎籌聽講座。
每場10-11人,花爸10點幾排到4:45pm籌(只限懷孕媽媽啊!)

雪印牛油芝士個counter，只要like 佢facebook就可以玩扭蛋一次。我地扭左一個食物盒同10蚊coupon 貼紙。

惠氏送8粒澡油丸(only懷孕媽媽)及學習杯,仲有即場由醫生進行產檢及產檢後送媽媽奶粉(花媽冇排了)

美贊臣個贈品係換片墊,凡士林及濕紙巾。

其他好多我都忘了。但大會設有換片區,排隊換片可拿中碼4片pampers或大碼一片pampers,無限排,我見有爸爸攞住一大袋中碼試用裝(⊙o⊙)

其實去得我同花爸主要買野。

花花平日食開的鈣片,買兩樽半價仲要送個橙味比花花試。
219有三樽。平時賣219一樽架!

Biolane沖涼液會埸價好似38一支。
Mustela 就40蚊一支送支細試用裝。
及舊包裝肚紋膏半價一支,共買兩支。

重點幫草草買左打針plan

當然少不了到迪士尼為花花的教育顧問加油啦!!!花花去到迪士尼counter不停玩佢的玩具。簡直愛不惜手♡(^ε^ )♡

攞咩玩好呢??

媽咪，我個箱幾時到呀??

疊壘杯最好玩!仲要自己坐地下玩。

花花心諗“froggy,乜你大隻左咁多嘅,你平日好細架喎!”

下午4點左右迪士尼美語世界想搵個位都坐都冇(⊙o⊙) 

同時間的oxford path顯得有少少冷清(>﹏<)

花爸就同花媽食完lunch自行過海再揸車返來接我地。花媽排到4:45雪印講座,為左星星背包,聽埋就同花花走了。其實對懷孕媽媽幾好架,因為有一位教食母乳的陪月姨姨教大家餵母乳。原來真係有唔少人餵母乳唔成功架。有人只餵兩日因為太痛就放棄了,有人餵兩個月,陪月姨姨話佢好有經驗了~^o^~ 花媽餵左1年3個月啊。要不是生蛇都唔放棄。下次出篇post講下母乳先。

花花見到假BB係咁不停玩。
希望花花唔好咁放草草落地。
要溫柔D啊!

AIA amusement park

今日同花花上玩playgroup準備到AIA玩,帶花花去見識下唔好做大鄉里嘛!!但係咁,每當同花花去一D景點,佢總係訓覺行先~_~

坐船訓覺

到達訓覺

我地玩左唔少遊戲後,花花終於醒了!

有一個遊戲接受花媽同花花一齊玩
(未到90cm的花花基本冇野啱玩)
花花好cool,全程唔笑,反而草草係咁踢└(^o^)┘ 

花爸win左三隻公仔架!!!

花花一見自拍即扮可愛。

今晚花花做孖邊妹,好可愛啊♡♡♡

越大越老積!!!

大小情人節

自從有左草草後,花媽就希望多做運動,希望下次生產時能夠快D唔好痛咁耐。如果你叫我依個狀態行大帽山等騎驅路程就唔得了,但行山頂就冇問題了`(*^﹏^*)′  所以今朝一早(7:30起身)我同花爸帶住仍在睡夢中的花花一齊上山頂行山。當然今天氣潮濕有霧,冇咩景好影,但係醉翁之意不在酒,原來開心好簡單。同花爸手拖手,推住花花行山頂一周,比起玫瑰花及昂貴的 candle night sinner 來得開心浪漫。

晚上花爸仲煎左牛扒比花媽食啊,仲要洗埋碗└(^o^)┘  花爸萬歲!花花萬歲!草草萬歲!

Oxford Path 及迪士尼美語世界的服務

一直都好想抽時間寫下oxford path及迪士尼美語世界的比較,希望我能能夠比其他媽媽選出適合自己及小朋友的教材。由於我家的迪士尼美語世界只係嚟左半個月左右,所以在學術上我未能為大家作出比較,但我絕對能比較兩者的服務質素。

由於我14年買oxford path,當時冇比較下都覺得唔錯,以為有人送貨及pack得靚靚地已經好好。但早前收到迪士尼的時候,更難以想像係我的education consultant親自上門代為點貨仲怕我唔用D碟,幫我開晒現階段要用的碟,仲用左兩個幾接近三小時教我點用。講真,oxford path的education consultant真係差好遠,比左錢就好少after sell service,安慰的係聖誕會送上聖誕咭。

我的education consultan Flora 好細心咁幫我地的膠杯貼貼紙,
一邊貼一邊同花花傾計同玩。

我真係好期待我的迪士尼書櫃啊!
希望快D搬屋啦～

Flora好細心咁幫我分好依家應該用邊幾隻CD及DVD。

早前我用用下迪士尼覺得有少少唔明,問我的education consultant,1小時內就有回覆了。oxford path的大約3日先有回覆╰_╯ 每次oxford path的consultant都會話自己病左或者放左假。講真,作為家長的我需要的係即時跟進,難道我有問題停係到唔教小朋友嗎?等你得閒覆我,我先教小朋友??

至於小朋友用爛書或poster係好正常的事。oxford path同迪士尼都可以換書,迪士尼的poster可以任換,但oxford path poster方面就唔可以換了。所以在oxford path的whatsapp group內,媽媽們都對poster珍而重之,仲專登淘一D膠套嚟入住poster。講真,一張有點讀功能的poster真係貴到唔可以換嗎???而且有一樣我覺得好搞笑的事,oxford path的BB set內的書係唔可以換架。其實BB set先最需要換,因為BB 係會成日咬書,所以亦有媽媽係唔會比BB用BB set住。咁...點解要有BB set??? 作為BB set的用家,我真係覺得好荒謬。我明白玩具係唔可以換,因為會損耗嘛,但書都唔可以換就真係好奇怪。而且有點讀功能的talking kaboo及會唱歌的singing cheeky 超及快壞!我買左返嚟唔夠一個月,隻cheeky拉鍊已經爛左。oxford path都知有問題,所以往後的cheeky都係用魔術貼。到依家我隻singing cheeky用左一年半個口已經唔識郁了。但其實我咁耐以嚟都未必用過cheeky多過十次,我已經好好彩隻cheeky咁遲先壞,有媽媽的cheeky用左一陣就已經壞左了。(>﹏<)

Flora同我講如果花花要撕要“mi”書由得佢,唔好渴停佢,渴渴下佢驚左唔掂套教材仲衰!其實花媽心明呢個道理,所以唔介意花花撕書(即使係oxford path唔可以換的BB set) 。真心希望oxford path 能夠改下佢地咁荒謬的制度及希望佢地的education consultant唔好賣完就算,因為一邊用教材,家長們一定會有無限個疑問架。

Oxford試用裝我冇link呀,但迪士尼可以呢到取。
http://www.worldfamily.com.hk/ffp/sl/preaf143

忽然發燒

今日一早起身花花個身已經好熱,我同花爸不容有失,立即度下花花體溫。原來發緊高燒38.3度(>﹏<) 花媽立即比退熱貼同比花花飲好多水。點知再度已經38.5度。好...我立即係雪櫃攞出退燒水比花花食。第一次食都退返38度但第二次食就冇退燒。我同花爸立即帶花花睇法國門診。去到法國花花已經39度。(⊙o⊙) 我暈了...擔心到我幾乎想喊。

花花今日差唔多全日訓。我連續播左迪士尼spoken version 3次!

去到醫院已經呆呆滯滯

等睇醫生中

雖然法國人多,但有好多人等唔切走左,所以花花都只係等左個零兩個鐘就有得睇了,相對年廿九的4小時仲要冇兒科,已經好好多了!

醫生話花花有少許咳同鼻水,應該感冒了。由於太高燒,醫生叫花去塞藥,仲開左D消炎退燒止鼻水等藥比花花。花花食完藥依然吽吽地,成日訓。聽到佢的呼吸聲內有啖聲仲要用口呼吸已經好心痛了。希望明天冇事啦!

拜年記

其實我地除左初一要拜年外,基本我地記唔需要拜年。我們家人丁太單薄了...哈哈∩__∩ 所以初二及初三就成為左我地的家庭日。

初一花花造型。由花媽於淘寶購的厚棉中式裙配以日本購入雙面hysteric mini薄羽絨。

初二到花婆婆家等睇舞獅,偷閒玩一個充滿靜電的滑梯。
睇下花花2016最新髮型*@_@* 

上年給花花購入的拜年裝,今年終於啱著了!

我地終於能夠同獅子合影,
但獅子攞走左財神派比花花的朱古力金幣。
佢地真係見利是就攞架(⊙o⊙) 

下午無事做,我們一家到獅子山野餐。
好大風啊X﹏X 

今日無無聊聊去左mega box食晚飯。
以為無人...原來好多人架(>﹏<)