2016年5月26日 星期四

五感發展-嗅覺

所謂五感即-視覺,嗅覺,聽覺,觸覺及味覺(於教材上我會以說話來作準,因味覺教材一般都冇的)。花媽雖然沒有上過兒童教學的課程,但呢D都係我的迪士尼美語世界consultant教我及自己上網搜查資料出來的。

好耐之前見到consultant的囡囡去到呢一頁,佢的囡囡真係聞架喎。而今日終於到花花來到迪士尼的story and book第六本書。呢本書好得意,有一頁有玫瑰花,青草及樹的氣味,好多教材都會著重視覺,觸覺及聽覺,好少會涉及嗅覺。估唔到迪士尼美語世界連嗅覺都顧及到。自從去到呢一頁之後,傻傻的花花每一頁書都聞~@^_^@~ 真係小朋友先會咁可愛呢!
真係好少見到有書係有氣味呢!
相對oxford path,我暫時只能係教材內搵到視覺,聽覺,觸覺及味覺(講野)呢四種感官。嗅覺真係暫時未搵到呢!雖然書本上的氣味未能及真正大自然的氣味,但要是父母都好忙冇時間帶小朋友親親大自然,迪士尼呢一頁書都可以幫得上忙,起碼可以刺激一下小朋友的嗅覺呢。
同花花講“smell the book”,佢真係識聞架!
其實花花用左迪士尼美語世界其實只係3個半月,但花媽覺得花花進步左神速呢!花花能自己用點讀筆自學,咭上的動物都識分,生果又識分,真心覺得每日只抽15分鐘同小朋友玩,定時播歌播DVD的話,小朋友真係可以學都好多野。看著花花每天的進步,花媽真係好感恩買左迪士尼美語世界。雖然花花都有oxford path,但真心覺得迪士尼真係有系統同易用好多呢!

真心推介,攞個試用裝比小朋友試下就知好架喇!
http://www.worldfamily.com.hk/ffp/sl/preaf143

2016年5月23日 星期一

明慧offer

突如其來的offer信,明明話wait list架喎!不過再一次證明只收大B的明慧可能因為收生不足,所以先向9月B埋手,如冇人應該會向10月11月BB埋手了。

本來花媽都心儀明慧,但上次明慧的講座真的令花媽覺得校長好市儈(>﹏<) 而且花媽一早決定比花花讀manhabit了。雖然係下午班,但都要求左轉上午班,希望轉到啦!

由於花花係9月BB,所以花媽特別緊張,怕冇學校收花花讀N,但原來大家都唔洗咁緊張架,一定有學位留比小朋友,只係係咪心儀的學校。其實報多幾間,唔好只aim一兩簡就可以。

2016年5月21日 星期六

第一次彈琴

特別鳴謝auntie zoey教花花彈琴
今日去左Uncle Eric屋企,估唔到佢屋企有琴喎!而Auntie Zoey又識彈琴,即時叫Auntie Zoey教花花彈琴。似乎花花都好鐘意彈琴喎,等花媽努力賺錢等花花3歲就學彈琴先。

講起彈琴,其實花媽都學過兩堂架!不過...花媽一向都係一個冇恒心的人,而花婆又冇迫花媽學,所以學左兩堂就冇左回事。希望花花能夠有恒心學彈琴,將彈琴變為interest!講真,花媽覺得懂音樂的人好有氣質,即使自己冇,都想花花有呢`(*∩_∩*)′ 

2016年5月18日 星期三

Playgroup - Gymboree

花花玩得好開心啊 
來到美國,花花媽其中一個任務就係同花花出多D街,上playgroup識下朋友仔。好可惜,美國的學習風氣同香港分別好大,美國主張5歲先正式入學,其他pre-school一般都只係3歲後開始。所以18個月的花花根本搵唔到pre-school.我地唯有參加playgroup gymboree啦!

爬爬爬
其實Gymboree同香港baby gym或little gym好似,都係主要比小朋友唱下歌仔玩下爬下咁。但Gymboree大約兩星期就換一次setting,保持小朋友新鮮感。
每次不同的setting
其實我在美國gymboree poster 睇到香港都有,上網check一下,又真係有架喎。但唔知同美國的上課一樣嗎?但如果就咁睇真係同美國有少許差別,起碼冇相中的唔同setting及教師應該都係華人。但一樣的是都有Gymbo.
花花真係好enjoy係Gymboree玩!

2016年5月15日 星期日

O8舊同事

花花好鐘意Terra
Tammy係我以前O8的舊同事,難得佢嫁來美國仲要揸車來我住呢邊只需1小時,所以今日佢特地來搵我同花花。真係好開心!果種他鄉遇故知的感覺真係好特別,真係要好好珍惜朋友。

我地食完點心(花媽到美國後第一次食點心,算不錯了),再到San Mateo Downtown的公園行下,雖然冇千秋滑梯等,但有個日式公園。環境舒服,帶小朋友散步真係唔錯,但小朋友當然鐘意跑跑跳跳,所以我地就同小朋友們去我地平日去開的公園玩。
仲要跳晒舞
花花似乎好鐘意Terra,又要拖住佢行又要同佢跳舞同玩。看來花花真係好適合美國生活,除左平日夜訓外, 對於美國日日去公園,出去行下玩下食野等都好習慣。花爸仲話花花肥左高左黑左仲...醜左(>﹏<)
點解Tammy已經係兩個女女的媽咪,
仲可以同童顏仲有時間化妝?????

2016年5月12日 星期四

有時糖癡豆,有時水溝油

Hilary及花花
在美國呢段時間,我一直住在中學同學屋企,佢屋企有個10個月大BB,但因為早產兩個月,所以都比較難湊,仲要成日draw好多attention比佢。由於唔肯食野及生得細粒,真係覺得佢要多加保護(佢依然著到初生鞋同3個月衫仔)。

起初花花都鐘意同Hilary玩架,但後期已經變成“mo”(花花No的意思)Hilary,仲會推佢,打佢同撞佢。我的中學同學Zoey係兒科護士,心明小朋友會Jealous,所以都唔會介意花花咁對Hilary,仲好有耐性教花花。當然我都要不停同花花講道理,叫佢唔好蝦hilary因為佢仲係BB,好需要花花姐姐照顧,而花媽就照顧花花。希望同一句說話重複一萬次花花會明白。
花花在Hilary背後其實準備動手
的確Hilary亦好需要attention同照顧,因為只要冇人在身邊佢就會喊,可以喊足三小時。而花花都試過覺得佢太煩而自己行開一邊唔理Hilary。而重點係Hilary依家已經啟動自我保護機制,只要花花行近或輕力觸碰佢,Hilary已經喊定先了(>﹏<)

互相無視
其實見到咁,花媽都擔心草草出世後,花花的呷醋會變得更難搞。唯有再多放attention在花花身上了。希望到時花花能愛護草草啦。

2016年5月10日 星期二

OXO tot divided plate


花媽又有新發現,花媽推介各位媽媽選用的分隔碟。個training ring(藍色位置)仲可以remove架,大少少用都得。去到歲半左右,小朋友已經唔鐘意乜都撈好比佢,佢要同大人一樣自己選食咩,有一個分隔碟就最啱了。佢個training ring 就好似cali bowl原理,等食物可以跌反落個匙到。個底仲有啜力,唔怕小朋友用時個食物碟會走位Y(^_^)Y。花媽信心推介!

2016年5月8日 星期日

Venice Beach

午餐甜品,真係幾好食喎!
Waffle午餐,牛肉最好食。
唔知香港有冇呢?!

只留一個full day在LA的我地,又要返SF了。遙遠的7小時車程(未計塞車),最難搞都係小朋友的兩餐。花花因為唔肯食早餐,午餐我地食waffle而佢只係食少少,再去沙灘玩左個幾鐘,花花跟住就要捱餓了。成8點左右狂喊(>﹏<) 應該太餓了,我地即時買左包包同兩條芝士同奶奶,佢先可以再訓反。我地差唔多成11點幾先可以晚餐啊,而兩個小朋友都同我地一樣,兩個第一次乖乖坐下食dinner,小朋友真係要餓下先得\^o^/
估唔到花花咁鐘意玩浪
一歲前同花花去沖繩之旅,去到沙灘一掂到沙勁喊勁驚,今次本來驚架,但又肯行喎,同佢玩下沙就適應左了!仲要行到海邊係咁等浪沖佢對腳,仲要比風吹到打晒冷震都唔肯走。
呢兩婆孫玩到褲都濕晒
花婆太有愛心了,小朋友多幾個都得!
沙灘慢步


2016年5月7日 星期六

LA迪士尼

回想花媽細細個(小學時期)去過LA的迪士尼,今次重回舊地,好陌生啊!果然生完小朋友就蒙三年,我今次陀住草草,再蒙三年//(ㄒoㄒ)// 
指定動作。今年仲要60週年啊!
以為花花大個女唔大公仔啦,點知仲係怕。其實花花已經日日在迪士尼公仔的世界喇喎!唔知佢幾時唔再怕呢?!
PULTO
MICKEY
GROFFY
去到迪士尼,花媽唔可以玩刺激的機動遊戲,只可以陪花花坃D兒童遊戲。花花排隊同等開始機動遊戲都表現唔耐煩架。但機動遊戲一開,佢就笑到咔咔聲。小朋友的快樂真的來得簡單容易呢!
其實花媽都係第一次玩旋轉木馬咋!
花花超級開心,
希望下次可以同花爸草草一齊來。
小飛像
米奇車車
花花零電量
花花睇花車巡遊真係好開心,而且佢在遠處見到Minnie即時尖叫同叫左minnie,(⊙o⊙) 花花原來咁鐘意minnie我都唔知。反正都咁夜,我地等埋放煙花先走,但花花唔太like 放煙花架。反而去到有一part播let it go同落假飄雪時,花花勁開心同勁笑。
花車巡遊
真係陀住29週爾帶一個trouble 1.5去迪士尼,我發現對腳同條腰都唔屬於自己咁。好彩花婆一齊去咋,如果唔係我暈左了╯﹏╰

2016年5月5日 星期四

San Francisco Premium Outlet

USD 299一個的Tory Burch
原價要USD 5xx架!
其實之前都來再呢個outlet一次,但時間太短只可以買到polo同 janie and jack,今次早左去就可以行耐一點了。有好多美國同其他地方的品牌, Tory Burch, Michael Kors, Kate Spade, LC, Prada, Gucci等都有。
不少太太最愛的LC,
D色靚到花媽都想買,但真係太重了。
仲有其他普通一點的牌子例如gap, carter’s, A&F, nike...等等
愛上shopping的花花
大家有機會來美國都要預一日去shopping啊!

2016年5月2日 星期一

美國產檢

今日終於到我要產檢了,好耐冇見草草了。但草草依舊每日係我肚肚入面成長。第一次到美國的醫院,我就係在呢間醫院生了。

忘了同大家分享呢次來美國除左同花花玩之外,另一個目的就係來生草草了。其實呢年決定都係新年後暴動之後有感而發。我同朋友間閒談佢地話要生真係唔好係香港生,我同花爸討論過後就決定赴美產草草。所以由決定到真係過去用左兩個月時間,而今日終於見醫生,而且醫生話7月18日前一定生了。看來草草只能在花媽肚逗留39週左右了。
Standford Shopping Centre
醫院在Redwood City,所以產檢完我地便到Standford Shopping Centre行下街。冇來十年,真係變化好大,唔係見到指示牌我都唔知已到standford了。

讀唔到standford都來感受下文化氣息先`(*∩_∩*)′