2016年6月28日 星期二

仲有一個月

大大話話來到美國已經快三個月,仲有一個月就可以見到草草了,當然我要好好珍惜胎動的感覺,因為這次應該係我最後一次的懷孕,我要好好謁住呢。但同樣地懷孕的後期亦是最辛苦的階段,因為我已由剛懷孕的110lbs到現在的150lbsX﹏X.

而且水腫令到我手指的關節都開始痛了,晚上訓覺更加1-2小時便起來,因為我的手抽筋抽得太痛,根本休息唔到。而且仲要湊住花花,即使婆婆係到,花花有時就只要花媽抱。已重40lbs的我再加上廿幾磅的花花,真係有時行路都覺得辛苦。

今日醫生比左一系列的入院資訊我,雖然唔係第一次生BB,但我依然覺得好迷惘。可以的話我真想快一點回香港。美國...其實我不算太喜歡,只係為左小孩的將來。


2016年6月25日 星期六

花花21M了

成日都要fish,買部吊魚機比花花,吊到一條就收工*@_@* 
花花又大一個月了,每個月見證著花花的成長真係好amazing!由唔識入圖案入隆到依家又識,由吊唔到魚只教左幾次依家又識吊,花花真的長大了。而且好快做人姐姐,真係好開心,雖然依家有自己性格,難免會比較難湊,但能夠同花花過每一日都係開心的。

今日花花對我好好啊!我同佢飲完茶回家休息,佢竟然午睡了快2小時,原本打算去HopNPlay玩都延遲到7點先去。

2016年6月20日 星期一

沒有起跑線?

呢兩日係媽媽谷都好hot的話題就係“贏在射精前”,照咁計...花花同草草都唔係1月出世,我已經輸左兩次*@_@* 其實當我知道花花9月出世時,我都希望佢可以8月出嚟,的確差一個月就連好多PN連申請入學的機會都冇,例如學之園同SC。但我從來冇打算過一定要生一月BB,生BB係自然野,下下要計住度住,人的埥活同機械有咩分別呢??

節目入面講到媽媽Irene(原來佢同花媽都係8、9、10月媽媽谷的)””話一個朋友的女女6個月已上playgroup了,我想講花花都係6個月上playgroup,如果你問我上playgroup有冇用,我真係唔敢答,但最少我覺得小朋友唔驚人同可以早少少在一個安全環境下接觸陌生人,花媽又可以認識唔同的媽媽們,大家分享一下湊B資訊。可能由6個月開始花花在playgroup已學會要clean up,依家佢都會自動自覺收拾玩具,呢一下係我覺得好欣慰的。

Fb圖
節目中當年沒女Toby同老公提及想買一套6萬蚊的教材,我相信唔係迪士尼美語世界就係Oxford Path,而老公就話佢痴線。其實我買左oxford比花花後再買迪士尼美語世界時,內心都爭扎左好耐,始終唔係幾百蚊而係講幾萬蚊。當然每個家庭的負擔能力唔同,花媽的迪士尼美語世界都要用老本買,但花花用完真係識多左好多野就覺得我的付出係冇錯的。依家花花21個月又會跟住唱歌(當然唔係成句句子啦!),又鐘意睇書,玩讀卡機等等,預學習於娛樂。而且我都有私心嘅,始終買左仲可以比草草胎教用,唔係話oxford path唔好,但花花胎教用oxford path我唔覺佢特別叻。我有一個朋友一直同女女用oxford path,佢見到花花認字片都覺得花花好叻識好多野,反而佢女女除左鐘意睇書就乜都冇了。

當然好多人都覺得我算怪獸家長,花花咁細又比佢出去學咁多野仲要買兩套教材??首先我想講如果我買左迪士尼美語世界一定唔會買Oxford Path。比花花學游水同去gym係想佢大肌肉發展好一點,因為花花一出世就腳甩胶。同時我都覺得每日同小朋友在宣你眼望我眼,佢唔悶我都悶,所以同花花返Noble Place每日上playgroup。其實日日同小朋友返playgroup我都覺得好辛苦架,還記得我是住唐6嗎?―,.―


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

2016年6月17日 星期五

港九龍校資訊

Whatsapp group得來資料,

1.民生書院幼稚園部 -- 睇k2成績,大約收 75%
2. 培正小學附屬幼稚園 -- 直升小一(100%, 除非自己放棄)
3.  聖保祿幼稚園  --  70%
4.  德望小學附屬幼稚園  --  優先考慮(須面試) 大約收 80%
5. 高主教幼稚園  -- 優先考慮(須面試) -- 可能新開, 今年大約回收60 %
6. 香港真光中學幼稚園  --  優先考慮(須面試)大約收 95%
7.  啟思小學附屬幼稚園  -- 優先考慮(須面試) 大約收 80%
8. 玫瑰崗幼稚園  -- 直升小一但須面試
9.  救恩學校(幼稚園部) -- 只收大概50名幼稚園部學生
10. 嘉諾撒聖心幼稚園  --  取錄與否私立部決定, 大約收 80%
11. 九龍禮賢學校暨幼稚園 --  優先考慮(須面試) 大約收 80%
12.  香港浸會大學附屬學校王錦輝中小學幼稚園 -- 優先考慮(須面試) 大約收 70%
13. 協恩小學附屬幼稚園 -- 小學部要跟政府派位, 但叩門有優先 (叩門位約+/-十個)
14.  蘇浙小學校幼稚園 --  須面試 (收80%)
15. 聖嘉勒幼稚園 -- 優先考慮(須面試) 大約收 80%
16. 聖母幼稚園 -- 女生可直升小一
17. 培道幼稚園 -- 100%直上小一

2016年6月9日 星期四

Burlingame Downtown的小playground

小playground正正在停車場旁邊
今日Zoey 車我地去downtown食野,泊完位我地就經過一個小公園。真好細,只有呢個小設施,但都夠花花玩了,最少可以有新鮮感嘛。
花花玩得好開心
婆婆終於返來,但但唔見得花媽的workload少了。原因係花婆婆係一個不能悶的人,花媽每日都要同花婆出去,平日只去公園的我們,今日仲要去完公園再到downtown...所以變更忙了。
花花累了
不過話時話,花媽今日見到burlingame有得上music playgroup.8堂只係USD208。所以立即為花花報名了。仲有一堂art,可惜都full了。只能waitlist,但waitlist已是第8個了。希望花花有位啦,因為花媽覺得花花對顏色認知有少少差啊!

2016年6月7日 星期二

教材重複性的重要

其實花花用左迪士尼咭後已經好快認得好多動物,依家只係再加強佢的認識呢。由於我暫時唔係香港,好多配套例如poster我都冇帶來美國。

我自己覺得迪士尼教材的重複性比oxford多。例如bear,我地可以在咭,sing along 書本,play along玩具,點讀筆的書,poster, DVD及DWE開辦playgroup等都可以有意冇意間提到bear呢個字。而oxford path bear呢個字我暫時只可以在點讀咭同poster內搵到(please correct me if i am wrong)。

對我而言,小朋友的腦袋就好似海綿咁不斷吸收新的事物同時父母要不重複舊的事物,先可以穩固小朋友的記憶。而對於重覆來講,迪士尼真係做到。而且仲會係有意冇意之間咁重覆,唔會好刻意咁不斷bear bear bear咁。相信花花對動物名的認識都係咁嚟。

其實每一日的使用,我都能夠感覺到花花每天都在進步。花花依家除左認動物外,仲可以指住物物講出動物名,例如見到狗仔會叫dog,大像圖案的會叫 elephant (當然發音未到好標準啦!),見到鴨仔又會講duck duck...etc所以我覺得教材的重覆性只要夠全面,小朋友就可以好快認到好多生字。

如需索取迪士尼美語世界的試用裝,請到以下連結取啊!
http://www.worldfamily.com.hk/ffp/sl/preaf143

2016年6月5日 星期日

2017-2018年度K1家長要留意啊

https://kobiefish.blogspot.hk/2016/06/blog-post_1.html?m=1

教育局有新制度,以幼稚園入學註冊證取代學券,家長們要留意啊!!!!詳情請到以上連結更清楚。

2016年6月4日 星期六

Hop N Play Indoor Playground

入到去花花已經忘我了
由於美國真係太熱,我好難同花花去公園(>﹏<) 所以今日同朋友一齊帶埋小朋友去Hop N Play玩。其實真係同香港的冒險樂園或playhouse相似,但好就好在冇波波池。因為波波池真心覺得好污糟,而我上次生蛇都應該係波波池得反來的X﹏X
不會行的小朋友免費,但都有一角係專比佢地玩。
好細心啊`(*^﹏^*)′ 
其實10美金無限一天任玩都幾抵,最主要係花花能夠放電嘛!!!我係香港冇比錢玩過,所以唔知幾錢,但10美金我覺得可以接受呢!
玩到累的花花
其實玩左接近兩小時,小朋友累家更累呢!!相信婆婆婆知道呢到,一定一星期起碼同花花來玩一次呢^ o ^ 到時破大財了。
冇波波次,但有個吹氣大波波池
其實仲有個大吹氣滑梯,花花好鐘意玩架。不過因為我主要錄片,冇影到相啊!但真係好多小朋友都好鐘意玩呢!
呢個好似花生的tum tum轉
希望下次同婆婆嚟,我就冇咁辛苦了。始終一唔睇住花花佢又會走失呢。
仲有電動遙遙板

2016年6月2日 星期四

申請學券

早前上網留意到,原來明年K1的小朋友(2017-18年度)要在今年(2016年)7-8月左右申請了。所以大家要記得留意啊!

由於暫時學生資助處只有16-17年度的information,所以我地只留意佢的更新啊!
http://www.wfsfaa.gov.hk/sfo/tc/preprimary/pevs/overview.htm

相信每一年一般都差唔多時間同須知呢!

2016年6月1日 星期三

Gymboree

又到星期三了,花花又去Gymboree放電。其實gymboree除左比小朋友做gym活動外,仲有衫褲鞋襪賣。而且每當減價就好平,講緊只係12.99或9.99美金,而且質料好好啊!

全套gymborer新裝!
今日返gymboree,又有新setting,今次主題係in and out!故明思意即係go in and get out啦!所以老師都會encourage家長係側邊不停同小朋友講go in或者get out!
花花最鐘意就係呢個吊係柱上面的桶桶
依家美國都開始熱了,可以放電又有冷氣的地迫真係唔多。反而香港就有好多政府的室內遊樂場,真係好期待同花花返香港一齊去。重點當然要帶埋草草啦!
睇下花花幾開心