9月廣華媽媽生日會

我們的生日蛋糕

今個weekend有點忙, 噚日去完manhabit 的meet the parents day. Manhabit收的學生真係唔多,上下午班加起來只有6班。每班只有14人,一班有三個老師啊!真係唔錯!

今天花爸花媽都是屬於花花的

講反今日一年一度的生日會先,最開心當然係小朋友啦,有波波池,有車車又有充氣滑梯。小朋友開心,大朋友就跟住小朋友尾。今次場地在火炭的PP duck,地方唔算大,但夠冷氣都幾乾淨。相對上年去觀塘的唔夠冷氣算係咁。 但花媽唔會推介比朋友,唔知點解總係差少少咁。

好大的波波池,但唔夠波波同好多爛波皮(+﹏+) 

原來識左呢班廣華媽媽們兩年多了, 大家由陀住BB到夜晚起身餵奶傾計,再睇住各BB成長,又爬爬爬再到行路,依家小朋友們都開始講野了。真係感觸良多。希望大家可以一直keep住呢個友誼落去。卍朋友一齊長大呢!

到唱生日歌了。每個小朋友都好投入♡(^ε^ )♡ 

每次唱生日歌花花都會尖叫架,唔知係咪因為太感動呢。花花仲大喊添(>﹏<)  真係好搞笑啊!花花.媽媽祝你身體健康,永遠開心。

HN Photography

花媽期待已久的草草初生照啊!雖然草草已經唔算初生,但都叫做人生第一次到studio影相啊!仲有影埋花花同花爸花媽添!

以花媽呢種愛格價的師奶,當然以平靚正行先啦!(well...我相信每個人都係\(╯-╰)/ 我又up癈話。哈哈) 兩小時拍攝,草草有兩個自選造型,$1300包30張執相,假日加$200,要全相底加$200。當然花媽選要晒所有原相啦,因為花媽可以自己執相嘛。

攝影師一個人影,冇助手,所以顯得佢特別專業。佢用部iphone加一對手令到草草狂訓\^o^/ 最重要花媽喜歡的“tok”頭相佢一個人都做到呢!!! 仲記徥幫花花影果間,影唔到花花“tok”頭啊!!!

攝影師其中一樣好的野係唔超時,講真,唔超時好重要。因為要個小朋友比你舞兩小時真係會好辛苦(不論大人或小朋友)。只要影到我地想要又滿意的便可以了。希望出來效果會滿意啦!

濕水drawing mat

玩具?花花還是最愛迪士尼玩具`(*^﹏^*)′ 

噚晚花花草草都好夜訓,對於想係小魔怪入睡後整理屋企的花媽並唔係一件好事,因為花媽只能趁小朋友訓左先可以打理家務,花媽為左花草能繼續聽迪士尼,所以暫時將音響放在地上,等地櫃星期六到我地就可以安裝好dvd及cd機呢。

小朋友請隨便畫

唔知小朋友亂畫是否必經階段,但花媽早有準備,早前同花爸在大阪 akachan買左呢塊drawing mat。 用上特製的筆同印台(都係用水嘅啫)就可以滿足小朋友亂畫,乾左又可以重新再畫。真係好推介比各媽咪呢。即使唔小心畫出drawing mat 都唔洗怕,因為筆同印仔都係水,唔怕整dirt牆啊!

我地終於回家了

花花好愛草草啊♡(^ε^ )♡ 

返左嚟快兩星期了,終於執左7成至8成新屋,張新床都來了,我地終於可以一家團聚,同花爸一齊住了。其實花爸每日放工都來花婆家一轉搵我地,好似噚日咁,開完會成完野來到都成9點幾了。由於花花太耐冇同花爸一齊訓,花爸好想暗花花訓都唔成功,作為媽媽的我都覺得好唔開心,花爸咁錫花花,但花花竟然唔跟佢。╯﹏╰  希望搬返來會好一點啦!!!

可能新地方,草草有陌生的感覺,相對在花婆家訓少左又喊多左//(ㄒoㄒ)// 希望草草能夠早少少習慣啦!而花媽明天要面臨人生第一次一湊二,其實心裡有少少不安。真係好怕自己搞唔掂,真心好想姐姐快少少到,就算幫唔到我湊都可以幫下手執頭執尾呀。

維修服務

Minnie pen終於壞了

點解 caption我要用終於壞了?唔係minnie pen易壞,而係花花一唔鐘意就throw,係美國住朋友家,朋友一歲女女又係同花花成日互用筆掉來掉去。今日minnie pen終於頂唔住,叉唔到賈(>﹏<)  當然under會籍期內,維修係免費的。而且只要攞返去朗豪坊28樓便可以,對於住九龍的我真係極方便。

但對於好鐘意用點讀筆的花花嚟講,維修要用一星期都太耐了!呢段時間唯有同花花讀下書先啦,者等花花講故事我知啦!

每月“電話美語”報名時間又到了!

今日又到左每用“Telephone English”的報名時間,今次除左花花個名,仲有草草個名!望一望,原來每人有三首歌可以選啊!!!└(^o^)┘ 估唔到草草都有歌聽,真心想推介想生多過一個小朋友的媽媽一定要買迪士尼,感覺真係比起一個人用一個會籍抵好多。唔知生三胞胎係咪可以三個人一齊用呢???花媽的師奶性格又出現了。*^÷^*


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

Ikea

花花超來宜家的床仔

花媽花爸每晚都努力為新居打點,今日都唔例外為左新早的傢俱,花媽,花婆同花花草草一齊去左mega box Ikea睇傢俬,順便為開始長大的花花添置新床準一個人訓。

如果花花真係肯一個人訓就好了。

Ikea真係一個小朋友的天地,花花係Ikea不停上床落床同跑來跑去及玩玩具。玩到唔捨得走,又要氹又要抱先可以帶花離開。

花花,媽咪買左mother garden櫥房比你了。

但同時,Ikea有如supermarket,可能教識小朋友好多新的字,放暇一家大細真係可以去ikea玩下睇下,又可以學生字又可以食野,而且小朋友只要90cm或以上(以我所知),便可以到ikea有個playroom入面玩,而且係免費啊!真係有得學習,有得食,有得玩,有冷氣仲可以家庭樂`(*∩_∩*)′

終於可以游水了

香港咁熱真係好適合游水,但由於媽咪仲坐緊月,游水呢個重任就交比花婆婆了。原來游水一定要keep住架,花花已經忘記左點潛水,一浸個頭入水就喊了T_T 花爸話要再帶花花學游水,好啦…我地再報過啦!

有會所的屋苑最好就係有游泳池,花爸花媽未有能力比花花草草住屋苑的家,去住花婆婆家的會所先啦!!!成個泳池加埋花花同花婆都只係得6個人`(*∩_∩*)′ 

Swimming is fun!!!花花超愛玩水

JT studio

男仔頭花花變左怕羞花`(*∩_∩*)′ 

上年幫親JT studio影學生相,今年都一樣。攝影師好好啊!簡直快靚正同平!

快- 兩分鐘影完,小朋友唔會悶!
靚- 大家有目共睹,仲包埋執相喎!
正- 自選一張相,包12張仲整埋個file比你可以去快圖美印 4R相(有6張證件相)
平- 80蚊有12張相連所有相底。你仲想點?

花花校服相。太可愛了♡^_^♡ 

同時我帶埋校服去影相。真係好感動,花花大年女了！但係連野都未識講(⊙o⊙) 就要返學!!!哈哈....其實花花都開始講有意思字,例如佢想落地會講floor stand 或 get off

一年原來可以咁大分別

同場加影見到Noble Place同學仔pok nga,我地仲會一齊去manhabit讀添呀!

看住每個小朋友長大,真係好開心!

我地返來了!!

感謝我的中學同學Zoey招呼左我們一家4個月

Little brother and the best sisiters

終於返到香港了!!!因為要返香港,我地skip左花媽的生日%>_<%  不過要到左呢個年紀,生日已經唔太重要,最重要活得開心健康,一家人齊齊整整。

返到香港見到花爸同花公公,真心配服自己同花婆。花婆平日手無博雞之力,因為草草勁喊,我要餵奶幫唔到手,花婆一個人由行李帶扚6個大行李下來。而拎完我都餵完奶了,就即時摩打手排晒6大行李及3個手提上車仔。我一人推兩架車(單手一邊一架),花婆推車仔出去先。連入境署叔叔都話我勁,我心諗“為母則強”!

香港天氣真係好焗又熱,突然好掛住美國天氣啊!

草草的美國passport

我同花婆望穿秋水,終於等到草草的passport了。咁即係草草可以返香港了,而我地亦唔洗等到8月31先返香港\^o^/ \^o^/ \^o^/  改左機票後就係8月10晚機,8月11號出機場。但花媽變相生日係飛機過了╯﹏╰  但唔打緊,有咩重要得過一家團聚呢?但即使返到香港,還要住花婆屋企先,因為我地新租果到要12號有搬野入去。即係話花媽12號要執執執了

重點:花媽仲未坐完月〒_〒

看到呢本passport,花媽有一種莫名的感動。快4個月同花爸分離,自己有一個月一個人大住肚日日同花行去公園玩,自湊大住肚湊一個快兩歲的精力充沛小朋友,不能一家人慶祝母親節,父親節,花爸生日及花媽生日。我感動因貵這一切捱過了,再下來的係更多的挑戰。花花草草考學校,返課外活動,花花草草返學,草草仲要返香港到入境署整香港居民身份,健康院預約同埋預約私家醫生打針等。返香港會更忙啊!