親子玩自己時間

因為花花成日都同花媽講buy Elsa buy Elsa,為左令花花新一年有新開始又開開心心,花媽決定到深水埗買一盒Elsa lego,當然...已經係年三十果晚收爐前買的。等到今日同花花玩親子一下啦!一打開好似中左伏咁...原來6歲小朋友已經玩咁細粒又要睇圖的 lego(⊙o⊙)

花花對所有lego都勁好奇,將所有的lego捯晒出嚟高亂檔...真係玩自己呀!!

恭喜發財 新年快樂

大年初一,親各位雞年行大運 !!!身體健康,恭喜發財!!!

我地同一般家庭一樣.大年初一一齊去婆婆家拜年,一齊晚飯。無無聊聊...一年只有這幾天可以懶洋洋啊!!

Manhabit 的新年Party

有鼓打,仲有波波柑

今日係花花學校慶祝新年,好多小朋友都著賀年衫返學校慶祝,當然花花都唔例外。由於花媽要返工,所以同花花親子回校就由婆婆代替了。同時因為婆婆的攝影技術未如理想,全程只影左一張花花見唔到樣的相,另一長見到半面的舞獅相則是花媽朋友代影的。

由於花媽冇出席,所以都唔知好唔好玩了。婆婆只係同我講花花去左唔夠一小時就喊住要走了(>﹏<) 因為花花見到由校工所扮的財神...同見到聖誕老人一樣\(╯-╰)/ 見到就喊住走,花花...乜你咁細膽架?!

草草也玩美語世界

我個R呀...草草你唔好食咭啦!!!

一直我都好努力為花花草草做一個良好英語環境及培養佢地閱讀興趣,今日我的美語世界Education Consultant Flora 又來半年一次的小跟進。當佢見到我的cards仲有兩盒未拆時,即刻幫我拆左,仲同我講“我會要你用盡套教材!!”`(*∩_∩*)′ 好窩心,連自己老公都唔緊張對仔女的學習時,竟然有人仲緊張過我。本來花花應該可以測試一下半年來的結果,但因為太早了(8點幾)加上肚痛不停扭計,所以只係簡單教左我點同花花玩。原來2歲4個月的花花可以用 activity cards,同電話美語叔叔/姨姨玩lesson,多用questions and answers cards.仲可以玩其他細咭啊!

其實相對之前兩個月,花花講多左好多野,連Flora都有同感。同時花花試住講句子,例如: “put it here” “this one” “I am three years old”(明明得two years old)等等。花花講自己3 years ild是有原因架,因為佢成日話想ice skating,我話媽咪問過要3歲先可以玩,所以花花成日話自己三歲了\(╯-╰)/

草草已對讀咭機會好奇

而草草就要加緊玩play along同睇play along DVD,因為要應付N班面試(+﹏+)  其實今日Flora教我點同草草玩先正確及點教佢拍咭,草草因為手眼未協調到,好努力咁用腳、手同眼神指出答案,當然草草未識晒,但答中幾題已經好叻仔。加油呀!

唔好怪我長氣,拎返隻CD DVD返去同小朋友睇,反應真係會好好。
http://www.worldfamily.com.hk/ffp/sl/preaf143

家長日

放假的日子好似永遠都唔夠陪小朋友咁,一直都好想工作,除左可以減輕家庭負擔外,仲可以減輕一下精神壓力。

老師給花花評價乖巧(⊙o⊙)  及中文只能說單字

今日家長日,好似見到另一個花花。原來花花見到老師就會雙手放大脾坐定定(⊙o⊙) 相比日日係屋企坐唔定的花花真係天淵之別。而且老師講佢,佢都好似識聽咁,知道老師講佢,仲要表現怕羞`(*^﹏^*)′ 真係好搞笑。

英文very good.^ _ ^ 

當花媽以為花花怕污糟時,原來學校內的圖工都係花花親手製作,有以花花手印製作的圖畫,又有用膠水又有用縐紙,相對平日沖涼有條頭髮都尖叫的花花真係相差好遠。

看著花花不停成長,真係覺得歲月催人。

崇真同think result

等了又等,終於有一間資助的收左花花了。心情都好開心,因為可以省唔少錢。花花一直考資助都唔成功,可能因為中文比較弱。而think花媽一樣的心儀,可惜因為think後來起左間中學,自以為升價十倍後,要入讀小學已要買20萬債券,即使是幼稚園升上去都一樣,所以花媽就覺得要買20萬債券就唔洗讀think下.決定放棄學位,轉投esf的waiting list。希望可以收花花waiting list啦!

當然考ESF主要小朋友英文一定要好,希望花花成功啦♡^_^♡

World Family Magazine

期期都要睇,花花...太夜了!!要訓了!!

等花媽講講花花的閱讀習啦!!基本想每日花花都會睇最少5本書(美語世界主課程一節,學校中英文書各一本及圖書中英各一本),一般花媽都會安排下午閱讀學校書本,睡前再睇3本書。當然未計花花好鐘意的巧虎書同用點讀筆的迪士尼書啦。真係諗諗下...花花睇的書真係有機會多過我(⊙o⊙)

平日我地好早就休息,因為花爸花媽都要返工,今晚星期六就比花花放縱一點,拎左world family magazine (～ o ～)~zZ 無論花媽點同花花講,佢都係咁拎住本書係咁不停pompom zippy。 \(╯-╰)/  就係咁..睇到11:30都唔訓,我就逼住關燈佢先訓 ~_~

等我介紹一下乜野係world famiily magaine先。佢係迪士尼美語世界寄比小朋友的雜誌,其實佢一書兩冊。每兩個月寄1套(2冊)比大家,一本係介紹有乜野playgroup比大家報及有家長分享小朋友的相片等。另一本真係小朋友睇的magazine 了,仲有一個叫fun phone english,比小朋友打電話去聽錄音再跟指示做,下次比大家睇下花花點玩呀!!如果小朋友太細個仲可以草起magazine留反佢大個睇,因為入面仲有zippy及朋友的故事啊!小朋友一定好鐘意。

仲有精選又平又正的迪士尼圖書

剛剛睇到布偶劇場(以迪士尼歌曲為主的小表演)原來小朋友$110,大人$60,等我同花花報名去親子一下先。而且magazine入面仲有一D平靚正故事書賣,花媽都打算入手買幾本`(*∩_∩*)′ 因為花媽平日太忙,出街shopping對我來講係天方夜譚//(ㄒoㄒ)//  但如果可以唔出街都買到野實在太好了,而且依家帶花花出街真係好辛苦,同花花去書局又太困難。能安坐家中便可以買書真係唔錯!!!但重點係運費太貴了,如購物未滿$500就要比$50。貴果一本書先$80有找,分分鐘書平過運費〒_〒  希望第日有多D書介紹可以一次過買到$500啦!


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

朗思K1 interview & 西頁遊

朗思都算係一間遲考的學校同時都係花媽好心儀的幼稚園,因為佢係一間IB school,有小學及今年有埋中學添,花媽太懶,一條龍最穩陣...而且花花明顯唔會係坐定定的小朋友,要花花讀傳統學校應該見家長多架喇,所以花媽還是心儀IB school.好老實,呢間真係花媽最心儀,因為小班又一條龍,而且學費算合理。

講下interview內容先,首先會在一間大房有5個小朋友可選自己鐘意的玩具玩。當然唔合作的花花就係玩完呢樣再玩果樣,坐唔定。再而入另一間房比小朋友同家長到指定老師前答問題及玩玩具。全以廣東話面試,花花一見到老師即時話pain(好唔知醜╯﹏╰ ),老師問花花叫乜名(有答Y(^_^)Y )再比jisaw puzzle佢玩,好快玩成後。再比唔同圖花花問圖中小朋友做緊乜(都識答幾題),再到花媽最怕的顏色環節。色盲的花花答唔到顏色是正常吧,連一樣的都放唔到一齊(⊙o⊙)  然後再係穿繩了。在穿繩同時,老師問花媽平日同花花有乜活動,點解選佢地學校等等。真係希望佢地會收花花啦,因為真係花媽最心儀學校♡^_^♡ 

齊來看大魚

今日早上in完最後一間幼稚園朗思,我地就同花花回家小休一下再出發到西貢行下,順便同姐姐介紹一下西貢。原來姐姐來了香港咁耐,都未去過西貢呢！我同花爸即時變左小導遊。

草草都侐第一次入西貢

去到西貢其實都冇乜好做,主要係行下睇下野同食少少野。而花爸花媽覺得西貢係劏遊客的地方,當然唔會食佢的海鮮啦!

花媽上班去

陪伴我的有花媽最愛的玫瑰家品

花媽很幸運地找到了一份全職的行政工作,同時最令花媽開心的是工作環境愉快,又近娘家可午飯一小時回娘家餵草草,很忙但很充實,而且上班時間絕對係大部份媽媽渴望的,返7:45am放4:45pm。下班仲可以趕去接花花放學(很趕,但都好開心)。希望2017年一直好到尾啦!

而期待已久的姐姐來港了,雖然只工作兩天,姐姐真係幫了花媽不少,起碼能清潔煮飯洗衫,真係幫輕了花媽不少。希望姐姐keep住依家的狀態啦!