2017年2月28日 星期二

TC ESF

今日放半日,等我同花花可以有少許親子時間
來到2017年,花花又要再面試。ESF面試機會都要waiting list,只有TC因為收生不足而繼續招生。由於花花生性活潑好動,要係比花花讀傳統本地學校應該好辛苦。為免花花成為可憐香港小孩的一份子,我真的很希望花花能成功考入ESF。

基本上,ESF的面試唔係叫interview,而係play section,故明思意即係“玩”。對小朋友來說玩係冇難度,主要係邊玩邊同小朋友傾計時見到小朋友係有英文對答及識英文的。有幸花花能聽講英文。當中花花仲同老師講“Daddy is working. papa is sick”―,.―  明明就冇病...再加一句“Daddy sees the doctor.” 當然去得ESF的小朋友及家長都有一定的英文底子,當中有不少外國人。所以如果能考入的話,我都會非常感恩。

場內setting十分簡單,有幾張桌任由小朋友隨意地坐,有書,有blocs,有lego,有泥膠及有drawing。通過遊戲來玩同小朋友溝通。相對傳統的學校,沒有考核顏色數字等等,相對簡單但更不知收生準則。
有左姐姐後,花花都變成可以靚靚的小公主了。

2017年2月19日 星期日

錦田鄉村俱樂部

咁到撞到朋友仔
最近見到好多朋友都去採摘士多啤梨,當然我地一家都唔會放過今日的大好天氣,沒有太陽又舒服的一日去玩下。本來我以為只係一個摘士多啤的地方,但原來仲有好多野玩架,而且仲有免費泊車。
花花玩得好開心
首先,摘士多啤梨當然要小朋友同大人都唔怕污糟同小昆蟲啦。其次唔好怕曬怕熱,今日係好彩的,因為冇太陽又唔太凍,可以話係靚天氣。我地同花花摘左一磅韓國士多啤梨$100。其實果到有法國、日本同韓國士多啤梨可選。日本士多啤梨我見唔到,只見到法國$80一磅同韓國($100一磅)。而且不設入場費,摘幾多就比幾多。出乎意料之外地甜(大定細都好甜),但建議當造時好去了,因為士多啤梨越摘越少,有機會生唔切呢。
勁多士多啤梨。勁甜
同時都提議小朋友摘完或摘前要check清楚,因為都有唔少被踩爛或本身已爛的士多啤梨。花花十分享受摘士多啤梨的過程,同時花媽都一樣♡(^ε^ )♡ 
第一次騎熊貓
埸內仲有唔少付費設施可玩,例如氣墊床、電動車及碰碰車。花花坐的呢個熊貓就50元玩一圈,碰碰車雙人就$60雙人。仲有免費的睇動物,有rabbit,羊同豬。仲可以買菜餵佢地食,可惜花花乜都驚,不能親親大自然。
借左nana車仔玩
另外仲有個大平原比小朋友玩,可以踩單車同picnic等。花媽仲見到有人BBQ同放風箏,如好似花爸花媽咁乜都冇帶野就可以直接去佢地的小食陪,有包或面食及其他小食可買。除左洗手間拉龍外,冇乜可彈。

2017年2月16日 星期四

Oxford Path換書

由於我的oxford path會籍已經過期,所以已經好一段時間冇換書。雖然我好少用oxford path,但依然有入一D Oxford Path用家group,見到oxford path的服務越來越差,真係好後悔浪費左咁多錢去買一套不用善及售後又唔好的教材。

一直以來, oxford都比姐姐去換書,依家就唔比。試問手停口停的家長們又點得閒走到去佐敦換(仲要唔近地鐵)。放工大家都想一支箭咁返屋企親子啦,唔通仲出去換書咩?!就算叫我星期六去換我都唔想啦,點解唔比姐姐換喎???真係十萬個不理解!!唔通姐姐會拎D書去賣咩???

其實小朋友玩咭唔見一兩張好閒事,個家長話oxford path要佢比$500買過成盒唔比換!!(⊙o⊙) (⊙o⊙) (⊙o⊙)  講真, 迪士尼美語世界我都唔見過咭,成盒比佢,佢都唔會數少左邊張就換比我啦!!點解幾萬蚊買套教材,只不過想要少少售後服務換下書咁都成個乞兒咁求人換。可以用幾萬蚊買套oxford path,但唔見左幾張咭都要比錢買。重點係500蚊,唔係5蚊喎。比左幾萬蚊仲想賺多500蚊*@_@* 佢真係食水深!

2017年2月12日 星期日

7.17 7M Gathering @Party Duck

7.17 BB Gathering
Party Duck之前我地都去過了,呢個係花花2歲生日的Party場志,真心覺得唔錯。而且今次的波波池同充氣滑梯都唔同左,小朋友都玩得好開心。當然玩得開心的唔係7個月大的小朋友,而係D哥哥姐姐啦`(*∩_∩*)′
大汗的花花
花花一去到就已經狂玩,後來有D哥哥加入,花花當然玩得開心啦!但花花已經識爭野玩仲會推人...(>﹏<) 同父母一齊的小朋友真係同係覺校唔同,老師同我講話花花鐘意觀察...及坐定定...簂暫時體會唔到╯﹏╰
有大哥哥一齊食野係唔同D,肯自己坐下慢慢食
原本我以為草草好重啦,但原來唔係架(⊙o⊙) 都有一兩個BB同草草一樣22磅,可能體型問題,草草剛會反身`(*^﹏^*)′ 但有一個BB已經開始爬了...佢媽媽話當其他人訓覺時,佢BB唔訓就學識爬了....(⊙o⊙)
坐都未坐穩啊
很好開可以認識其他媽媽,仲可以一齊傾計玩,好期待下次聚會啊!可以有更多埸交流....加油呀爸爸媽媽小朋友們。
大爺草

2017年2月10日 星期五

崇真小學暨幼稚園


媽咪快報封面
花花在崇真小學上左環球英語後,感覺崇真真係一所不錯的學校。外語老師有二十幾個,普通話老師都有二十幾個,語境好。除左地區位置在深水埗外,應該其他都唔錯。校長著重語言,有一個機制比老師及員工,只能說英語或普通話,比小朋友有一個更好的語境。
內貢
基本上能在崇真讀幼稚園都可以優先收反小學,中學如果成績好都可以優先收去基督教崇真中學,某程度上說得上係一條龍。由於學校有本地及國際課程,可以話小朋友來自五湖四海,有錢的日日名車接送的有, 平民的則住在附近。

2017年2月5日 星期日

Fish or fishes

Six fishes
雖然花媽主要同花花玩美語世界的教材,但因為都買左oxford path,花花時不時都會拎oxford的書要花媽同佢睇,對於睇書,花媽有求必應...因為花媽最想花花品行好同愛睇書。

睇睇下...發現oxford的書內寫了six fishes, 而迪士尼的教材係用two fish的。咁究竟多於一條魚係用fish 的fishes呢?呢個唔係英式或美式的問題了,而係意思上的問題。six fishes是冇問題的, two fish都冇問題啊!! 如果要用fishes就係代表不同種類的魚,fish則代表同一種類的魚。所以大家教小朋友前要搞清楚啊!

當然兩套教材都冇教錯啦!!!oxford path的確以不同種類的魚表示six fihes,迪士尼的確以同一類魚表示two fish。但由於暫時好難解釋比花花知,我都會傾向教花花fish多於fishes。


想了解更多美語世界嗎?不防拎個試用裝來睇下啦
http://www.worldfamily.com.hk/ffp/sl/preaf143

2017年2月4日 星期六

崇真小學暨幼稚園三小時環球英語課程

玩得好開心的英文課程
唔講唔知原來崇真有一個3小時英語課程,小朋友要夠3歲先可以上。但價錢$330一堂有三小時由外籍老師教授的課程,相對坊間的其他課程,我覺得都好抵讀,而且校外生都可以報,仲可以加錢校車接送。我只係幫花花報左朝早三小時課程,但其實仲有可以食埋茶點(加30蚊半小時)再小睡2小時再上到4:30的2小時英文課程。但為免花花太累,花媽只選擇3小時英語課程。

老師同花媽講佢有跳舞唱歌,仲整左3條小金魚,雖然依家花花唔會大聲講野,相信遲D會好好多,始終係暫時環境陌生,同第一次上。但已經比花媽預期的好,除左一開始不停叫媽咪外,其他都好乖好聽話。

三小時的英語課程真係好似平日返學咁,有做手工有茶點仲有練字。呢個係花媽估唔到的,比花花玩下啦~希望佢會開心鐘意上課。

2017年2月2日 星期四

AIA 嘉年華

花花上年同花花去過AIA嘉年華,由於上年太細個所以冇乜點玩,但今年已經90cm的花花,多左機會玩機動遊戲。有玩洗衣機,旋轉木馬,溜冰等等,真係好啱一家大細去玩。不過去玩就一定預左燒錢了,講真都唔平。10蚊一個代幣,一般都最少要3個代幣,大人同小朋友一齊玩一共就要6個代幣了。
花花狠左好耐的溜冰
而溜冰就6個代幣20分鐘,小海豹就1個代幣一隻。花花真係好鐘意溜冰,佢仲要自己行唔比花媽扶住佢。😓😓依家d小朋友好有主見。

雖然今日好累,但真係好開心。相對上年,花花真係大個女左好多,由行都怕佢行唔隱,乜機動遊戲都玩唔到,到依家玩到好多機動遊戲,仲要學人溜冰。♡^_^♡  而且嘉年華真係好體貼,有個換片房比小朋友(雖然我冇用到),真係好啱一家大細去玩架。